點可以局部減肥? 減腰?減肚腩?瘦臉?減下身?
答覆係冇!
首先要減去脂肪只係得一個方法
就係帶氧運動(cardio)同埋控制飲食 配合埋重力訓練(即係健身) 效果更好 減出來的身形更好看
減肥係全身咁減 無得局部瘦 除左抽脂! 但係每個人既脂肪細胞分布都會有所不同
好似女人既下身脂肪脂肪細胞比較多 所以下身會肥先 而男人就係主要係個個肚 腰既位
所以大家唔好再問我個胸(肥仔波)點減 我對腳點減 都係以上個個方法!
關於脂肪細胞可以睇我之前打過既post
http://legkinggym.blogspot.hk/2013/01/02.html
帶氧運動係一個以大肌肉黎驅動 又可以連續30分鐘唔停既運動
好似跑步 游水 踏單車 跳舞 健身室入面既全部做帶氧運動既都係
如果岩岩開始做運動既人 我建議你可以係健身室
用太空慢步機 單車機 等等既帶氧機械
呢D cardio因為無左腳著地個一下對膝頭既壓力
所以都適合體重比較重既人士
將跑步機設斜路黎行 咁樣都係一個好好既cardio
而且唔會太辛苦 對膝頭既負擔比較細
但係帶氧運動都有分唔同既維持心跳 所訓練到既野都唔同
維持心跳係60-70% 大家可以用心跳錶去計 或者用帶氧既機去檢查
如果無既話 可以用一個輕鬆去到少少辛苦既程度
大概係你可以同人傾緊計咁跑 但係唱歌又敏D咁既程度 係唔太辛苦的
大家成日話做運動好辛苦 可能係因為你地跑得太快
有個網站研究過
60-70%心跳率係用緊85%脂肪做能源 70-80%用緊50%
總之你心跳越高就越用得少脂肪做能源
首先 cardio頭20-30分鐘會消耗肝糖 之後身體先會用脂肪做能源
所以我建議大家一開始最少要做30分鐘 如果你想快時間去到消脂既話
有玩健身既問題可以係重量訓練後先做cardio 因為當時肝糖已經消得7788 會更加快去到消脂
岩岩起身個時 飲杯水 去個次所就去跑 同樣有呢個效果
如果血糖比較低既朋友 我唔建議你咁做 除此之外 任何時間跑分別都唔大
近年出現的HIIT強度間歇訓練 係一個短時間 高強度的消脂方法
但係呢個方法 原本係比運動員用黎短時間消脂 所以對心肺 體能既要求比較高
我唔建議平時無乜做運動既人去用呢個方法減 我下一編文章會介紹
不過訓教前1-2個鐘盡量唔好做運動 因為你既心跳 肌肉都仲會處於一個緊張既狀態
會訓得唔太好
沒有留言:
發佈留言