點解有人會食極唔肥??咁點變大隻?

點解我已經食左好多野 但係都唔肥 總括黎講

有二個原因

原因一 最多人係以為自己食好多野 其實只不過係比起普通人多20%都無

我之前肥仔個時夜晚要食三盒茶記外賣飯盒先有飽既感覺


原因二

就係身體既脂肪細胞小

首先每個人既脂肪細胞多少都有所不同

點解有人會食極都唔瘦 有人會食多少少都容易肥

係因為本身既脂肪細胞既多少

好似我既脂肪細胞有1000 你只有200

我食同你 同一個份量既野 我可能一個月後肥左一個碼 但係你只係肥左我既五份一個碼

但係脂肪細胞少既人 往往出現既問題都會比較多

因為肥既人食左D唔健康既野會肥 佢會食少D 但係瘦既人會唔覺

但係瘦既人 個D壞既擔固純等等都係食左落肚的

除左人天生既脂肪細胞會有多D或者少D之外

人主要係青春期之前 脂肪細胞都會改變多同少

但係青春期後 人既脂肪細胞都唔會變多或者少

所以如果你青春期前係瘦 之後都無咁容易肥

而減肥係全身咁減 但係每個人既脂肪細胞分布都會有所不同

好似女人既下身脂肪脂肪細胞比較多 所以下身會肥先 而男仔就係個肚 腰既位

所以大家唔好再問我個胸點減 我對腳點減 都係做帶氧運動減架啦

除左抽脂之外 無任何方法可以局部瘦 你係練大個個部位既肌肉 只係睇落去結實D

但係唔會令佢既脂肪減少

最後我講一樣大家都經常誤解既野 就係脂肪同肌肉係無直接既關係

大家唔會互相轉變 但係肌肉所消既卡路里比起脂肪係多十幾倍

所以有人會誤解左 練肌肉 會令脂肪變肌肉 只不過係肌肉多左

整體新陳代謝加快左 所以脂肪會因為咁減少左

如果你想身形改善的話 係去健身增加肌肉 而唔係去狂食野增肥


有極極少數人係有病 所以新陳代謝比其他人快好幾倍

每日要食8,9千甚至過萬既卡路里去維持身體