其實我覺得健身好似打機咁

其實我覺得健身好似打機咁 可以將自己升級 隻手勁左
就好似幫自己換左武器 個胸 背勁左又好似換左防裝咁
將自己變成好似打機既人物咁 咁世界上又有唔少健美選手 背皇 腿皇咁
真係好似打機咁
呢個都係我覺得健身吸引我繼續玩既原因之一

入健身室就係打怪升級咁 玩得越重就好似打怪既級數越高
但係你唔夠lv 格硬打高lv 怪 可能打一隻都用哂自己hp 但係得到既exp唔多
好似健身咁 你格硬玩得重 就會借哂力 根本都唔能夠集中刺激唔到目標既肌肉
我D學生就好似我帶佢地係新手村打怪 吸exp咁
而係健身室hea 玩一組 玩幾分鐘電話 同人吹幾分鐘水
就好似打機d人又唔係打怪升級 又要引走d怪 阻住哂

打機個個想升到好高lv 但去到某個lv就好難再升 要搵人帶或者組隊打快
就好似健身咁 去到一個位 要搵人教 或者搵partner一齊操
不過打機冇人話唔想咁高lv 覺得升高LV 好難 但健身有唔少人話我唔想練到咁大隻
健身就算冇操一排 肌肉係有記億 操返好快大返
就算開過個新acc 你之前玩過 知點最快升 有技巧 都好快升返個個lv