蛋白質補充劑簡介(所謂既健身奶粉)

眼見好多人對健身奶粉 都有好多誤解 所以想開呢個帖簡介一下關於健身奶粉


首先目前佔8,9成既蛋白質補充劑都係由牛奶提練出黎既 仲有1,2成係由蛋,豆類,等等

佢地係無任何藥物成份 唔會有任何特別效果只不過係吸收蛋白質既其中一個途徑

你飲一個份量既蛋白質補充劑大概有24-30克蛋白質左右

而100克既雞肉 魚旦 牛肉 都含有約20克蛋白質

首先簡介下純蛋白質既whey

佢係由牛奶中提練出黎 而且可以接近完全格離脂肪,糖份等等

佢既優點係 極快速咁吸收 呢個係佢既優點 但係同時都係佢既缺點

大概飲左落肚30分鐘左右就可以完全吸收 即係話你無可能當佢可以一餐咁食

所以健身後飲完whey 30-1小時要再食野

而且佢係唔可以空肚咁飲 因為佢係純蛋白質 只有1,2克既脂肪,糖份,碳水

空肚飲落去既蛋白質會轉化為能源 你飲左等於無吸收過蛋白質咁濟

所以建議gym後可以carbo粉加whey咁飲 或者另外食多條香蕉 或者生果咁

而大家一般講既增重粉 肥仔奶粉 只不過係唔係純蛋白質 佢仲有加埋碳水化合物,糖份咁

講白D就係傻瓜粉 係岩完全唔識營養 連個營養標準都唔識睇 或者真係無時間加餐食既朋友飲用

健身奶粉既蛋白質 其實識睇營養標售既人 都知根本唔多

飲一個份量都只係得25-30克左右蛋白質 仲要可能你吸收唔到咁多

真係有時間可以另外加餐既人 你另外食多一餐 有肉 有碳水 有菜既營養遠遠大過健身奶粉

健身奶粉既唯一優點只係可以話方便...

點解有D人受唔到奶粉 係因為大部份健身奶粉都係由牛奶提練出黎

而牛奶中含有乳糖 亞洲人好多都對乳糖有敏感

而應該點選擇飲邊隻牌子 呢個問題就好似你飲牛奶會選擇牛奶公司定係十字牌一樣

基本上只係口味同信心問題 成份 營養 其實都係大同小異 分別唔大

不過呢家有好多 蛋白質補充劑已經會去除左乳糖佢