減肥餐單?食乜野會減到肥?

好多人成日pm我問 食呢隻 個隻減唔減到肥

其實冇樣食物 食左會消耗你脂肪 藥物就唔計啦

e.g 你本身食早餐係食m記 700卡既 之後你早餐轉食300卡既麥皮

食少左卡路里 3500卡就一磅脂肪 自然慢慢會瘦d

只係簡單加減數

健身要進步就要玩得重??

好多人會問呢家無乜進步係咪要至玩得重D

無錯重量係好重要 但係最基本既動作 如果你都未做得好

玩得再重都無意義 健身唔係健力

如何計算最佳消脂心跳??

帶氧運動係一個以大肌肉黎驅動 又可以連續30分鐘唔停既運動

好似跑步 游水 踏單車 跳舞 健身室入面既全部做帶氧運動既都係

如果岩岩開始做運動既人 我建議你可以係健身室

用太空慢步機 單車機 等等既帶氧機械

呢D cardio因為無左腳著地個一下對膝頭既壓力

所以都適合體重比較重既人士

將跑步機設斜路黎行 咁樣都係一個好好既cardio


而且唔會太辛苦 對膝頭既負擔比較細

一年前後我背肌既對比圖

呢一年除左對同埋後膊有進步之外 其他位都係差無幾

那些年 搵我教for考PC 既學生

呢家做到8,9下引體 之前差唔多一下都做唔到既學生近照

佢雖然搵我教左唔係好多堂

但係佢好有心去自己做cardio 控制好飲食 同埋訓練

⋯⋯ 呢家fit左好多 之前搵我教個時仲係肥仔咁sosad

btw 都係佢sd相比我睇 我先問佢介唔介意比我post上fb

呢家過左pc體能 我真心開心 其他人都係幫佢練大隻左身形好睇左 但係呢家係幫人考到一份工既體能

那些年 我的學生

其實仲有好多 不過費時搵 同埋我幾個月之前壞左電話 好多都搵唔返whatsapp紀錄

我教過既學生 有D係為左考紀錄部隊 有D係為減肥 練大隻最多

都有人為健康而練 當然都想大隻  有D人搵過我一次 之後可能怕辛苦 就無再搵我

我問佢感覺點有幾個 搵完我一次就無再搵我 我問返佢操完感覺點 佢

又話好好 操既位痛左好幾日 可能佢係想輕鬆訓練 我呢個堅操教練唔岩佢sosad

 

要先增肥才能增肌? 無脂肪長不到肌肉?

好多人話食肥左先操先有用 如果唔係無肉操唔起

其實脂肪同肌肉係兩樣野黎 就算你增左脂肪黎練 之後減返落黎

 同你一直好好地飲食咁去訓練 根本無分別

好多人成日見到外國比賽選手都係會先上磅後 之後先修身

跟住又盲目咁學 食到自己肥腫難分 增左十磅脂肪都無增到200克肌肉

就話自己上磅之後大隻左好多 當然你食肥左 脂肪加肌肉 尺寸一定大左

外國既選手全部都有用特別既野

唔係一般人跟住佢點食 點操 就有一樣既效果

脂肪既增長係唔同肌肉 脂肪只要食得多過一日所需 就會增長

而肌肉係靠 訓練去刺激肌肉 飲食 休息去增長

脂肪係要食得多就會增長 而肌肉係要食得夠

每一克既肌肉比脂肪消耗多十幾倍既卡路里

即係你肌肉越多 就算乜都唔做 只係坐係到

消耗既卡路里都比一個同一個重量既肥仔多

做運動消耗更多 所以邊增肌邊減脂時間用更少!

點練方形胸?圓形胸? sorry 方形定係圓形 係天生的 無得練!

左Jay Cutler (四界 Mr. O) 右Phillip Heath(二界 Mr.O)

以上二位都係世界上最大形既健美比賽 第一

大家可見左邊個個既胸形係方 而右邊那個胸形是圓

這都是天生 係無法通過訓練去練成

即係話你本身胸形係方 係無法可以練成圓

相反都一樣

如果你想胸形唔好太圓 只能夠加強訓練上胸

看起黎無咁圓 但係絕對練唔到方形的! 

其實我覺得健身好似打機咁

其實我覺得健身好似打機咁 可以將自己升級 隻手勁左
就好似幫自己換左武器 個胸 背勁左又好似換左防裝咁
將自己變成好似打機既人物咁 咁世界上又有唔少健美選手 背皇 腿皇咁
真係好似打機咁
呢個都係我覺得健身吸引我繼續玩既原因之一

如果比較肥要先減肥 之後先練大隻????絕對唔係!!!

好多人問我 我呢家就比較肥 咁係咪需要減左肥先練大隻??

咁其實都係一條簡介加減數學題

小明用了一年減肥後再用了一年練大隻 達到他目標的身形

小強用了一年減肥和練大隻 達到他目標的身形

點解有人會食極唔肥??咁點變大隻?

點解我已經食左好多野 但係都唔肥 總括黎講

有二個原因

大細胸?大細手?點解決?? 甚麼是free weight既動作?有甚麼好處?

首先二邊肌肉係無可能完全100%平衡 我地只可以令佢盡量平衡

如果覺得自己大細胸都比較明顯 可以平時訓練既時候

盡量感覺比較弱個邊發力多一點 同埋可以盡量唔好成日用機推

因為用機推 你會發現就算你左邊唔夠力 右邊出多一點力都可以推到的

但係長久落去 你會發現你慢慢左右邊胸唔平衡既問題會嚴重


可以多用啞鈴去推胸 因為啞鈴係屬於free weight既動作

瘦底唔可以大隻? 可以睇睇我教既其中一個學生

佢搵我個時 佢自己已經玩左斷斷續續一年健身

到呢家搵左我教2個月多 佢搵我個時 身形已經比之前改善左好多

雖然呢家脂肪比較高左少少 因為佢之前食得太多野!

不過只要減返7-8磅脂肪就已經會好好多

呢個故事同大家講

肯努力都會大隻 身形都會改善

健身係一份努力 一份收穫既運動

當然你做既方法要岩 動作要正確

如果你話自己每日都去健身 但係去到玩電話仲多過做

做完一組又休好耐 又禁下電話 就一定無收穫

不過有人本身天生肌肉增長得快 有人會比較慢

但係你肯努力 一定有收穫

我當年是怎樣減肥??

 

 

 

好多人問我當年係點減 係咪一路健身一路減肥
咁等我呢家一次過講下自己減肥既經歷
我四年多之前係一個260-270磅既大肥仔
我係用左一年好唔健康減左100磅 瘦左之後先開始做gym
咁就一定有人問我係咪減完肥先做gym好?
絕對唔係 減肥同增肌係可以同時進行 之後減得更好睇
⋯⋯ 皮膚鬆既問題都可以減輕
咁點解我當年唔一路減肥一路gym呀? 當年乜都唔識囉!
我當年點唔健康咁減肥?

想快大隻要日日操?想個邊個位大隻D就操多D?

 

 

其實好多人仲停留緊係日日操就會大隻 個個位操得多就大隻既思想 我個胸天生較弱

有人問過我係咪成日操背 個胸小D操

又問我係咪日日操幾個鐘 我全身肌肉一星期只係操一次!

一星期只操4-5日 肌肉訓練後需要休息最少48小時

大肌肉需要72小時或更長 而且一次既訓練要係90分鐘內完成

 

訓練時時間越長 意味著你既訓練會越黎越差 體力開始流失

效果當然唔好

而且生長激素都會因為你過長既訓練時間而減低

女士們健身 怕大隻? 練到一舊舊?

 

 

 

女士們成日話唔健身 怕大隻 練到一舊舊好難睇 心諗:__

 

片中既都係Female Fitness

btw片中既女士練既重量 我諗香港九成既男士都玩唔到

我已經包埋平時係健身室入面禁電話 個樣好輕鬆咁玩個班

真正的減肥前 減肥後!

呢D先係真正減肥前 同減肥後 之前咁肥 無可能瘦左皮膚會好似普通人咁緊

我當年一年減左100磅 之後D皮膚都好鬆 係之後做gym先慢慢好返D

 

我呢家個肚D皮都仲係鬆鬆地

 

所以好多網上咩 1,2年之前大肥佬 之後身形好fit 好大隻皮膚好似普通人咁 真係呃人

掌上壓push up既練法 種類

相信大家都做過掌上壓呢個動作 大家都知道掌上壓係練胸肌

但係唔同既擺位  其實又可以集中訓練到唔同既肌肉

不要忘記食水果補充維他命 維生素

很多人玩健身只係強調食蛋白質 無錯蛋白質係好重要

但係維他命都好緊要 對於回復體力 抵抗力等等都有極大既幫助

好多人就係忽略左食水果 只係一味飲蛋白質補充粉  

Fly Machine 呢個器械 好多人誤解調轉坐係練個背!

大家都知道呢個Fly Machine 呢個器械係訓練胸肌 做一個單關節既夾胸動作

如果調轉坐 將把握較到最後 其實係訓練三角肌既後束

睡眠時間不足5小時的人易發胖 缺覺一周長兩斤

睡眠時間不足5小時的人易發胖 缺覺一周長兩斤

睡眠少

科羅拉多大學博爾德分校的肯•懷特教授帶領研究小組徵募16名年輕、身材苗條、身體健康的成年人為志願者，讓他們在科羅拉多大學醫院的“睡房”內生活兩星期。

前三天，研究人員讓志願者每晚睡9小時，白天向他們供給僅夠保持體重的熱量。

隨後5天，研究人員把志願者分成兩組，第一組每晚睡5小時，第二組保持9小時睡眠。所有志願者可以隨意進食，有大量肉類和水果、酸奶、冰激淩、薯片等多種零食供應。

⋯⋯ 之後，兩組志願者睡眠時間對換，第一組每晚睡9小時，第二組最多睡5小時。

Hiit高強度間歇訓練

Hiit高強度間歇訓練  呢個係近年出現既短時間 高強度既訓練 佢訓練既時間係傳統既帶氧運動 四份之一 消脂既效果高1.5倍 減低肌肉流失既機會

佢原本係用黎比運動員去做 所以無返咁上下心肺 運動基礎既朋友 唔好嘗試

有心臟病等心血管疾病心人士都唔好嘗試

唔係做做下訓低都似

局部減肥? 減腰?減肚腩?瘦臉?減下身? 如何開始減肥?

點可以局部減肥? 減腰?減肚腩?瘦臉?減下身?

答覆係冇!

運動後不要進食 會更肥? 運動前應該幾時進食?

大家成日聽人講 做完運動唔好即刻食野 會好肥 仲好吸收 做左等於無用


我19歲之前都係一個260磅既大肥仔 大家都係咁同我講

但係其實係錯 等我舉個例 你岩岩跑完步 消耗左 500卡路里

你平時一日食三餐 一餐各 500卡路里 一日食1500卡路里

而你今日消耗左500卡路里 即係1500-500卡路里 等於1000啦

3500卡路里 一磅脂肪

少食多餐!? 一日要食多少蛋白質?? 玩健身要怎樣食?

一般人平均一餐只能吸收30-40克左右蛋白質

訓練腹部肌肉的最佳動作 卷腹

卷腹這個動作基本上就係sit up既四份之一版

sit up動作有四份之三其實已經沒有用到腹部既肌肉 會傾向左去後腰的肌肉參與

而卷腹這個動作可以大大集中去刺激腹直肌

蛋白質補充劑簡介(所謂既健身奶粉)

眼見好多人對健身奶粉 都有好多誤解 所以想開呢個帖簡介一下關於健身奶粉

練肌肉操大隻 玩幾多動作? 幾多組? 組與組休息多久? 一星期玩幾多次?

我建議一日只訓練一個大肌肉及一個細肌肉 而且係需要先訓練大肌肉後才訓練細肌肉

因為接近九成訓練大肌肉的動作都是一個雙關節的動作 所以細肌肉都會參與

就好似你玩背會用到二頭 玩胸用到三頭 所以如果你先訓練二頭 才訓練個背部

會大大影響之後訓練背的效果 相反你先訓練背部 之後再訓練二頭

在訓練背部的時間 你的二頭已經得到一定的刺激 之後再加1-3個動作 已經有個不錯的效果

我最近肌肉的狀態

自從十一月開始 肥左十幾磅 因為做小左好多帶氧sosad

但係背部既肌肉都有改善 三角肌弱左不過

腳一直還是我的強項 但係脂肪多了 所以線條無之前咁多

我主要教人的訓練日數表

一星期入面訓練四日 三日休息


day1 胸,三頭
day2 背,二頭
day3 膊,三頭/腹
day4 腳(股四頭,股二頭,小腿 臀部)



一般黎講 想改善身形 變大隻 我都會咁教

如果想以體能 或某些目的 好似投考紀律部隊所需的體能測試

訓練既方法 位置都會有所不同 會針對返你想要的效果

女生既訓練 都會有所不同 因為女生主要係增加身體既線條

臀部 胸部既肌肉要練得堅挺

我所教的動作方法 都會同大部份教練只是在教練證書學到的方法有所不同

我的教法會以我自己健身的經驗加上在教練證書中的理論 用最有效的方法去幫你訓練

都會同你解釋返一些在健身上無法改變身體肌肉的形狀

好似腹肌的數量 對唔對齊 方形胸還是圓形胸 這些都是天生的

街外食物卡路里

日式:

推介 刺生同壽司含有高蛋白質而低脂肪

三文魚既脂肪更係最佳既脂肪澳米加三

三文魚同吞拿魚係首選

三文魚刺身     1片    18
吞拿魚刺身     1片    17
吞拿魚腩刺身     1片 35
章魚刺身    1片    17
鯛魚刺身    1片     6
甜蝦刺身    1隻     3
三文魚子    1湯匙     28

如何申請進入康文處健身室?

如果去其他大形健身室

你的身形細隻一點 都會每次去到比好多pt(教練)去sale你上佢地既pt堂

一堂既費用約600-800蚊 而且要一次過要比好多堂的錢

最後很有機會給一些連自己都沒有怎樣健身過的教練來教授

所以我推介大家去康文處的健身室 好處是分店多 沒有人煩你 sale你

不好處就設施沒有大形健身室這樣齊全

但對於新手,女仔黎講 一定足夠的 很多師兄在康文處都訓練到好大隻

 大家可以去康文處上一堂叫健身室簡介會

 之後就可以進入全香港的康文處健身室

或如果你上過ive或大學個咩使用健身室會 可以用個pass直接申請入康文健身室

去康文處交表同個pass 約一星期多就會寄返信比你 表示你可以進入康文既健身室


使用健身室簡介會呢堂野 通常神早就爆哂 正常好難正常咁去報名上堂 除非你一早報定

但係好多人報左又唔去 所以可以在上堂當日 早3-6小時間去排隊 執雞上堂

而幾時有簡介會堂上 可以係康文處既網頁查詢

http://www.lcsd.gov.hk/lschemes/jbufe/b5/enrolment.php


康文處健身室 一小時的費用是17蚊 月費180蚊

但係康文處很多時會被租用上堂 所以大家要打電話或到去那間康文處拎張租用時間表

帶氧運動的七大誤區 (轉)

到目前為止，有氧運動經歷了三個發展階段。最初，隨著馬拉松運動的開展，這項公路跑步運動便作為增進健康和減肥的手段在大眾之間流行開來。 80年代中期，兩種新形式的有氧運動迅速普及：有氧舞蹈班(把鍛煉變成一種有趣的、社會化的行為)和配有計算機的固定自行車。不久，又出現了電動台階機及跑步機，這些健身器械的出現極大地迎合了那些在公共場合過於羞怯或跳舞動作不協調的人們的需求。　　

到80年代後期，交叉訓練法出現並成為主流，使有氧運動進入了第三階段。運動生理學家建議我們應同時進行有氧和力量訓練，因為它可同時改善心血管健康、控制體脂、提高肌肉總量及骨密度。雖然這種雙重鍛煉法早已被證明是保持體型和增長肌肉的理想方法，但在社會上仍存在著對有氧運動的許多誤解。下面便讓我們看看有關有氧健身的八大誤區，並澄清事實真像。　
 

女性都需要健身!

好多女性都會覺得一進入健身室 隨便拿個啞鈴上手都會練到全身都是肌肉 很難睇

但係其實絕對唔係 女性原本既生長激素 睾丸素都遠遠比男性低很多

這些都是令身體肌肉增長既主要原素 所以女性本身已經比男仔練大肌肉難很多倍

就算是男士要令到身形改善 變得健碩 都不是數天 數星期的事

堅挺的胸部 堅挺的臀部,修長的腿  健美的身形都可以透過健身訓練出來

大家可以看看以上女性訓練的片段

所以女性都需要健身!

訓練前飲食——權威的建議

史蒂芬（營養學博士）　

訓練前飲食的最佳選擇是複合碳水化合物，攝入時間是訓練前2小時左右，從而為訓練提供持久的能量供應。兩小時不進食會在體內造成一種低血糖效果，這是一種緩慢進展的低血糖效果。這種訓練前輕微的低血糖效果會導致顯著的生長激素水平的提高，從而在體內創造一種合成代謝的環境。

在實驗室，20個健美愛好者分成兩組，每組10人，一組在訓練前45分鐘進食，另一組在訓練前120分鐘進食，結果第2組的生長激素水平比第一組要高大約40％。研究還發現，喝杯咖啡有助於加強這一效果，因為咖啡中的咖啡因也有助於創造一種低血糖效果，並能提供短期的能量。訓練前一小時喝一杯咖啡就可以達到目的。　

鋼鐵之腿：凱格林腿部訓練

原文
http://www.bodybuilding.com/fun/steel-wheels.html

凱格林的腿部訓練計劃就像恢弘的交響曲。但這決不是類似貝多芬和莫扎特風格的交響曲，而是更像是有序糅合了不和諧因素和暴力因素的交響曲。在這個計劃中包括了和睦相處的訓練組、訓練次數、肌肉運動和暴力的收縮，它們組成了優美的“音樂”。

格林的內心意願是指揮家，他的肌肉則是管弦樂隊。所有的重物是他的樂器，音樂則是他展現在舞台之上的巨大的體格。

格林已經刻苦訓練出了和自己“心有靈犀”的好體格，這也是所有健美者夢寐以求的狀態。
他的訓練計劃也都是圍繞著建立強悍體格與堅強毅力的聯繫而為之，也是圍繞著他在特別的訓練日中駕馭這種“聯繫”的能力。

他追尋著自己（訓練）的快感，一旦他發覺了這種感覺，他會毫不猶豫地抓住它。關於格林的訓練，旁觀者，看到的僅僅是重複的組數和次數，但是對於格林這個親歷者來說，這是格林每每創造出來的傑作。

那麼我們就在健美這沒有硝煙的遊戲中發覺格林身體的塑造、精練以致完美。享受真正的訓練的愉悅！

爭鮮新出的刺身飯

38蚊 有6塊唔同既刺生 應該加埋都有2x-30克蛋白質 呢家去茶記食個飯都差唔多要40蚊sosad

出街搵野食 呢個係唔錯既選擇

健身激勵短片

 大家對健身既熱情開始減退或訓練當日沒有意志 不妨一看

近代鎖骨最闊的健美運動員markus ruhl

Markus Rühl

健美之皇~阿諾舒華辛力加 Arnold

阿諾舒華辛力加

-身高: 6'2" (188 cm)

-手臂尺寸: 23"

-胸肌尺寸: 58"
-腰: 32"(應該是非賽期的時候)
-大腿尺寸: 28.5"
-小腿: 20"

 最初舒華辛力加作為一個著名的健美運動員而贏得名聲。他的良好鍛煉的體形為體育帶來了革命，並使得他贏得「歐洲先生」、「世界先生」、「宇宙先生」（5次）和「奧林匹亞先生」（7次）的稱號。他被認為是健美運動歷史上最重要的人物之一，這在後來每年一屆的「阿諾競賽」中體現出來。

出外食飯 如何選擇較有營養同健康的食物??

其實好多人出街食飯 都會有究竟可以食乜唔肥

又有蛋白質可以補充 價錢又唔貴既問題 (包括我)

所以我今次就分享下我自己呢2,3年係街點選擇食乜野黎補充蛋白質 又唔肥既營養啦

通常我諗點選擇食乜野 首先會諗蛋白質先 通常以魚肉,瘦牛肉,雞肉黎做首要既條件

第二就係佢肥唔肥 點樣烹調 蒸,剪 都為比較佳

第三就係菜 西蘭花的平均營養價值係最多 所以有西蘭花的話 我會選擇佢

係好多健美運動員每餐既蔬菜都包括有西蘭花

跟住食既飯一定要走汁 如果無得走汁 餸一定要分開上 因為D餸既汁有好多油

以下係我平時係街會選擇食既野

吉野家既煎雞飯 雞要自己走皮 我會叫佢走汁多菜  再加個鯖魚或者三文魚

咁樣佢既蛋白質應該有30-40克

臂皇lee priest

女仕們想有一個堅挺臀部,修長的腿,請做這個動作之皇"深蹲squat"

 今次我要介紹既動作就係深蹲 佢係咁多個健身動作之中的動作之皇

佢主要可以訓練整個下半身 大腿和臀部為主 可以令你的臀部堅挺

改善臀部只係大而鬆既問題 對加強大腿既肌肉令佢修長既效果都係絕佳

最多人誤解的健身知識

1:先增肥 先增到脂肪 無脂肪長唔到肉架

答:其實脂肪同肌肉係兩樣野黎 就算你增左脂肪黎練 之後減返落黎 同你一直好好地飲食咁去練 根本無分別 除非你用藥去上磅

一代腿皇 tom platz當年腿部的訓練

腿皇 tom platz都是我的偶像

關於背部既訓練要點

我見玩背 好多人都會玩錯 所以係到簡單講解下玩背要玩得應既要點

首先 最基本既動作 正手胸前下拉  呢個動作係訓練我地既背闊肌既上方 引體上升主要用既肌肉 都係呢個動作訓練既位置

最多人玩錯既係 佢拉到落個肚到 甚至拉落去的地方完全去左身體的前方

正確既動作係 拉既地方 係落到自己胸部既上方的地方 而唔係去左身體的前方

52個健身訓練常見問題（轉）

在健美練習中，不僅初學者，就連一些相當有經驗的專業健美運動員也會時常遇到這樣那樣的問題。以下是我們收集的一些健美愛好者在練習中遇到的52個常見問題，並由專家進行解答。希望這些建議能對您有所幫助或啟發。
1．許多人感覺背部肌肉的練習不理想。解決方法是：進行牽拉練習與划船練習時盡量使雙肩向前聳，在練習背中部時始終保持一定弧度的彎曲，即使在做軀體伸展動作時也應保持彎曲。
2．很多人都不知道，引體向上是最有效的背部肌肉練習方法之一。負重引體向上更是得到輪廓分明的背部肌肉的法寶。在做引體向上練習時，抓槓雙手之間的距離是不固定的，應該安排在幾個不同的間距各做一組練習。身體吊在槓上時應盡量伸展，向上引體時則盡量弓背；如果下巴不能過槓也不用擔心，盡量靠近至槓5—7厘米即可。注意，引體向上時身體應盡量少擺動或扭動。
3．雖然有很多用於練習背部和兩肋的新器械被發明出來，但是那些頂尖的健美選手們好像還是最喜歡用划船器做練習。注意，要把動作做得準確到位，主要要領是握柄向心運動時應拉至肚臍上方數厘米才行。

不用肌酸或者氮泵，通過飲食方法提高力量、爆發力、速度【轉】

其實下面說的營養的補充都可以通過正常的食物攝取，滿足需求的。所以不需要擔心我們說的知識有什麼危險性，而且這些營養對應的食物我們基本都在吃，甚至可能其中還有一些大家自己很愛吃的東西。說到通過吃獲得力量和爆發力，就不得不提兩個核心詞語：肌酸與睾酮。　　大家應該之前都對肌酸有過很多了解，但是大家了解的可能僅僅是通過補給，或者覺得肌酸是藥物，對身體是有害的，比如對腎臟的壓力等等。其實很多東西都是要有一個度的，我們平常接觸到的食物裡面最富含肌酸的食物就是牛肉了，這也是為什麼老人給小孩兒們都說吃牛肉長力氣的原因。因為肌酸作為ATP功能的主要來源，人體自身的一種氨基酸，主要組成部分有精氨酸，精氨酸在營養貼2裡面氨基酸提到過非常重要了，對於促進肌肉恢復，提高肌肉合成，加快力量獲得，爆發力提高是有著很大的好處的。但是肌酸與蛋白質，氨基酸，等等營養補充一樣，需要一個時間，一個時間段的積累。很多朋友說為什麼我每天吃很多牛肉卻感覺不到你說的力量提高，有三個可能性：　

最容易受傷的十個健身動作[轉]

在健美練習中，不僅初學者，就連一些相當有經驗的專業健美運動員也會時常遇到這樣那樣的問題。以下是我們收集的一些健美愛好者在練習中遇到的52個常見問題，並由專家進行解答。希望這些建議能對您有所幫助或啟發。


1．許多人感覺背部肌肉的練習不理想。解決方法是：進行牽拉練習與划船練習時盡量使雙肩向前聳，在練習背中部時始終保持一定弧度的彎曲，即使在做軀體伸展動作時也應保持彎曲。


2．很多人都不知道，引體向上是最有效的背部肌肉練習方法之一。負重引體向上更是得到輪廓分明的背部肌肉的法寶。在做引體向上練習時，抓槓雙手之間的距離是不固定的，應該安排在幾個不同的間距各做一組練習。身體吊在槓上時應盡量伸展，向上引體時則盡量弓背；如果下巴不能過槓也不用擔心，盡量靠近至槓5—7厘米即可。注意，引體向上時身體應盡量少擺動或扭動。

減肥既正確知識03

控制飲食方法 我會建議大家少食多餐 一日食五餐 教我個阿sir講過 最健康既飲食係一日食五餐 只不過係中國傳統一日食三餐 我一日食6-8餐的 因為我玩健身 人平均每餐只係吸引到30-40克左右蛋白質 所以點解D大隻佬要食咁多餐係有原因的 當你餐與餐格得太耐 身體好容易會幫你儲存脂肪 脂肪原本就係用黎保護身體 你一餐食得太多 都會容易積聚脂肪 而且容易有胃腩 我建議大家以一個標則黎食野 就係少油 少糖或者介糖 清淡為主 食肉要食瘦肉 100克既魚肉 脂肪係最低 蛋白質都含有20克 100克雞肉 脂肪都好低 蛋白質都含有19克左右 100克 牛肉 脂肪高少少 但係蛋白質都有20克 而且含有比較多既肌酸 某程度上有助加速消脂 100克,豬肉 脂肪係最多 即使係係瘦 但係佢既蛋白質含量都係最低 約13-15克左右 100克既蝦肉 脂肪都係非常之低 蛋白質都含有20克 但係佢既擔固純比較多 所以唔建議成日肥 大家可以正常食返三餐 而個三餐份量減少 之後另外個二餐 可以飲杯脫脂奶加個全麥包 帶氧運動同其他球類運動有乜唔同呢 帶氧運動係做運動過程中就會消耗脂肪 其他球類運動係好少會用到脂肪直接做能源消耗左佢 消3500卡路里為一磅 帶氧運動既好處多多 可以增加心肺功能 抗衰老 令到頭腦都清醒D 都有恢復體能既功效 你每次跑完個步 都好似仲精神左 咁 就係有呢個功效 你想瘦只要收入少過支出就可以 但係你唔好食太少卡路里 e.g一個成年女人 一日食1500卡路里 你如果以減肥黎講 一日食少200卡就好了 因為當你食少過1000卡路里既野 身體會覺得你有危險 自動降低你既新陳代謝 咁你可能食返1千卡既野已經會肥 只會要越食越少 而做運動係可以增加你既新陳代謝 你做左運動個日 可能要食1700卡都唔會肥 大家飲食方面 可以一星期六日既健康飲食 跟住有一日係食你想食既野 唔洗太刻制自己就得 咁先可以堅持一下

減肥既正確知識02

關於身體既脂肪 首先每個人既脂肪細胞多少都有所不同 點解有人會食極都唔瘦 有人會食多少少都容易肥 係因為本身既脂肪細胞既多少 好似我既脂肪細胞有1000 你只有200 我食同你 同一個份量既野 我可能一個月後肥左一個碼 但係你只係肥左我既五份一個碼 但係脂肪細胞少既人 往往出現既問題都會比較多 因為肥既人食左D唔健康既野會肥 佢會食少D 但係瘦既人會唔覺 但係瘦既人 個D壞既擔固純等等都係食左落肚的 除左人天生既脂肪細胞會有多D或者少D之外 人主要係青春期之前 脂肪細胞都會改變多同少 但係青春期後 人既脂肪細胞都唔會變多或者少 所以如果你青春期前係瘦 之後都無咁容易肥 而減肥係全身咁減 但係每個人既脂肪細胞分布都會有所不同 好似女人既下身脂肪脂肪細胞比較多 所以下身會肥先 而男仔就係個肚 腰既位 所以大家唔好再問我個胸點減 我對腳點減 都係做帶氧運動減架啦 除左抽脂之外 無任何方法可以局部瘦 你係練大個個部位既肌肉 只係睇落去結實D 但係唔會令佢既脂肪減少 最後我講一樣大家都經常誤解既野 就係脂肪同肌肉係無直接既關係 大家唔會互相轉變 但係肌肉所消既卡路里比起脂肪係多十幾倍 所以你身體既肌肉越多 減得越快

脂肪係人體所需既

你唔係因為食脂肪而變脂肪 正如你只係食蛋白質都唔會無啦啦變肌肉

脂肪主要分為飽和脂肪同埋不飽和脂肪

飽和脂肪主要係肉類中既脂肪 呢種脂肪對身體無乜好處

而不飽和脂肪 主要係魚類 植物類既脂肪 呢種脂肪對身體係好好

因為不飽和脂肪可以令到身體好既擔固純提升 下降壞既擔固純

而最好既脂肪就係omega-3可預防心臟病及降低過高的膽固醇和血壓 詳細自己google

而且不飽和脂肪某程度上係可以有助消脂


碳水化合物 每克 4卡路里 蛋白質 4卡路里 而脂肪 每克係含有9克既卡路里

所以脂肪食得過多會肥 就係咁解 而唔係食落肚既脂肪就會變脂肪

適量咁食對身體係好多好處 過量咁食 乜野都對身體有唔好 都會肥

gi值

中文係升糖指數 相信大家可能都聽過 但係可能完全唔知係乜
首先食物既GI值越高 即係越容易消化 好似白飯 白面包 蛋糕 呢D都係gi值比較高既野

而GI值低既 即係代表消化時間比較長 好似全麥包 麥片 燥米紅米飯 番薯
GI高既食物 當你食左落肚 食物可以好快咁吸引 係好適合係高強度運動後用黎補充

但係其他時間食 會令到胰島素特增 促進脂肪形成

而且呢D咁容易吸收既食物 係30分鐘左右就會完全消化哂

如果你諗住做一個一個鐘既運動 係一定唔夠慢慢提供能源比你去完成

所以你做一個比較長時間既運動之前可以食Dgi值比較低既食物

消化時間比較長 可以慢慢提供能源比你去完成 而且會令到胰島素平均穩定

所以大家平時食既野 最好係gi值比較低既野 佢既飽肚感都大D

大家google下食物既gi值啦

減肥既正確知識01

首先要減去脂肪只係得一個方法

就係帶氧運動(cardio)同埋控制飲食  配合埋重力訓練(即係健身) 效果更好 減出來的身形更好看

帶氧運動係一個以大肌肉黎驅動 又可以連續30分鐘唔停既運動

好似跑步 游水 踏單車 跳舞 健身室入面既全部乜乜跑步機都係

如果岩岩開始做運動既人 我建議你可以係健身室 將跑步機設斜路黎行 咁樣都係一個好好既cardio

而且唔會太辛苦

但係帶氧運動都有分唔同既維持心跳 所訓練到既野都唔同

維持心跳係60-70% 即係每分鐘約120-135左右 就係一個最消既消脂心跳

大家可以用心跳錶去計 如果無既話 可以用一個輕鬆去到少少辛苦既程度

大概係你可以同人傾緊計咁跑 但係唱歌又敏D咁既程度 係唔太辛苦的

大家成日話做運動好辛苦 係因為你地跑得太快

有個網站研究過

60-70%心跳率係用緊85%脂肪做能源 70-80%用緊50% 總之你心跳越高就越用得少脂肪做能源

首先 cardio頭20-30分鐘會消耗肝糖 之後身體先會用脂肪做能源

所以我建議大家一開始最少要做30分鐘 如果你想快時間去到消脂既話

有玩健身既問題可以係重量訓練後先做cardio 因為當時肝糖已經消得7788 會更加快去到消脂

同埋岩岩起身個時 飲杯水 去個次所就去跑 同樣有呢個效果

如果血糖比較低既朋友 我唔建議你咁做 除此之外 任何時間跑分別都唔大

不過訓教前1-2個鐘盡量唔好做運動 因為你既心跳 肌肉都仲會處於一個緊張既狀態

會訓得唔太好

我由四年之前260磅去到現在大隻的身形

四年幾之前 我係一個26x磅既大肥仔




我中學已經係好肥

呢張係減到230磅左右

我用了一年好極端既減肥方法 即係食好小野 一日1-3個鐘運動

雖然減肥成功 但搞到之後皮膚鬆弛因為減得太快 仲有左暴食症

之後轉左小食多餐先無左

如果唔係我既意志力夠強 大概無可能用呢個方法減到

所以大家減肥係長期戰爭 而唔係要快!

你可以好快咁減到肥 但係你好快會反彈

最緊要搵一個方法自己可以keep一世!

之後直接跳到一年後減肥成功



有次無聊想試下玩健身  之後就開始玩上引到呢家